MORNING NEWS BRIEF [AUGUST 26, 2022]

ព័ត៌មានសំខាន់ៗ

1. សម្តេចតេជោនាយករដ្ឋមន្ត្រី បានលើកឡើងថា ចិនតែងតែផ្តល់ជំនួយយ៉ាងទាន់ពេលវេលាមកកម្ពុជា ពេលជួបការលំបាក ខណៈ កម្ពុជាគិតដល់ចិនមុនគេ ពេលដោះស្រាយបញ្ហាអភិវឌ្ឍន៍។ ប្រភព៖

   សារព័ត៌មានថ្មីៗ

2. កម្ពុជា និងតួកគី នឹងរៀបចំកិច្ចប្រជុំពាណិជ្ជកម្មទ្វេភាគីនៅខែតុលា លើការវិនិយោគ ធុរកិច្ច ដឹកជញ្ជូន ឧស្សាហកម្ម វិទ្យាសាស្ត្រ កសិកម្ម​ អាកាសចរស៊ីវិល សុខាភិបាល​ អប់រំ ​និងទេសចរណ៍។  ប្រភព៖ ភ្នំពេញប៉ុស្តិ៍
3. រដ្ឋាភិបាលអូស្រ្តាលី បានផ្ដល់វ៉ាក់សាំងបង្ការជំងឺកូវីដ១៩ ចំនួន ២៨៣.០០០ដូសបន្ថែម ដល់រដ្ឋាភិបាល និងប្រជាជនកម្ពុជា ដែលនឹងមកដល់កម្ពុជា​នៅព្រឹកថ្ងៃទី២៦​ ខែសីហា​នេះ។ ប្រភព៖ Fresh News 

ព័ត៌មាននយោបាយ

1. សម្តេចតេជោនាយករដ្ឋមន្រ្តី បានបង្ហាញជំហរយ៉ាងម៉ឹងម៉ាត់របស់កម្ពុជា​ ក្នុងការប្រកាន់ខ្ជាប់គោលនយោបាយចិនតែមួយ និងប្រឆាំងរាល់ចេនាបំពានលើអធិបតេយ្យចិន។ ប្រភព៖

   Fresh News

2. រដ្ឋមន្ត្រីក្រសួងមហាផ្ទៃ បានបញ្ជាក់ប្រាប់ អ្នករាយការណ៍ពិសេសសិទ្ធិមនុស្សនៃអង្គការសហប្រជាជាតិថា កម្ពុជាតែងតែអនុវត្តយ៉ាងខ្ជាប់ខ្ជួនតាមអ្វីដែលបានចែងក្នុងរដ្ឋធម្មនុញ្ញ។ ប្រភព៖ខ្មែរថាមស៍
3. ក្រុមប្រឹក្សាចៅក្រមសាលាដំបូងរាជធានីភ្នំពេញ បានទទួលយកភស្តុតាងថ្មីប្រឆាំងលោក កឹម សុខា ពាក់ព័ន្ធនឹងបទសមគំនិតផ្តួលរំលំរដ្ឋាភិបាលចន្លោះឆ្នាំ១៩៩៣ ដល់​ឆ្នាំ២០១៧។ ប្រភព៖ ខ្មែរថាមស៍

ព័ត៌មានសេដ្ឋកិច្ច 

1. មូលបត្ររដ្ឋទំហំ៣០០លានដុល្លារ នឹងត្រូវបានបោះលក់សម្រាប់វិនិយោគិនពីខែកញ្ញា ឆ្នាំ២០២២​​ ដែលធនាគារជាតិនៃកម្ពុជា​ នឹងជាអ្នកបោះលក់នូវមូលបត្ររដ្ឋនេះ​លើទីផ្សារមូលបត្រកម្ពុជា។ ប្រភព៖ សារព័ត៌មានថ្មីៗ
2. កិច្ចព្រមព្រៀង RCEP និង CCFTA បានរួមចំណែកដល់ការជំរុញការងើបឡើងវិញនៃសេដ្ឋកិច្ចកម្ពុជា តាមរយៈការសម្របសម្រួល​និងជំរុញពាណិជ្ជកម្ម វិនិយោគ​ និងលទ្ធភាពទីផ្សារកាន់តែធំ។ ប្រភព៖ ខ្មែរថាមស៍
3. រយៈពេល៧ខែ ឆ្នាំ២០២២ ការនាំចេញផលិតផលថ្នាំជក់កម្ពុជាទៅកាន់ទីផ្សារអន្តរជាតិបានកើនឡើង១០០% បើធៀបទៅនឹងឆ្នាំ២០២១ ដោយវៀតណាមជាទីផ្សារធំជាងគេ។ ប្រភព៖ ភ្នំពេញប៉ុស្តិ៍

ព៍ត៌មានសង្គម

1. កូរ៉េខាងត្បូង នឹងជួយគាំទ្រដល់កម្ពុជា ទាំងថវិកា និងការ​បណ្តុះបណ្តាលជំនាញចែករំលែកបទពិសោធន៍ លើការស្តារ​នីតិសម្បទា ដល់កម្មករនិយោជិតដែលរងគ្រោះថ្នាក់ការងារ។ ប្រភព៖ សារព័ត៌មានដើមអម្ពិល
2. ក្រោមគម្រោងសម្តេចតេជោ​សម្រាប់សកម្មភាពមីន «ផ្តល់ដីសុវត្ថិភាព បង្កើតស្នាមញញឹម»​ ខេត្តស្វាយរៀងនឹងត្រូវប្រកាសជាខេត្តអស់មីននៅក្នុងឆ្នាំ២០២៣។ ប្រភព៖ ទីភ្នាក់ងារសារព័ត៌មានកម្ពុជា
3. អ្នកនាំពាក្យក្រសួងការងារ បានអំពាវនាវដល់ពលករកម្ពុជាកំពុងបំពេញការងារនៅក្រៅប្រទេស កុំឱ្យរត់ចោលការងារត្រឡប់មកវិញទាំងតក់ក្រហល់ ព្រោះតែអបិយជំនឿមិនសមហេតុផល។ ប្រភព៖ Fresh News
   ​