MORNING NEWS BRIEF [JANUARY 13, 2023]

ព័ត៌មានសំខាន់ៗ

1. រដ្ឋមន្ត្រីក្រសួងការបរទេស និងឯកអគ្គរាជទូតអង់គ្លេសនៅកម្ពុជា បានជួបពិភាក្សា និងបញ្ជាក់ពីផលវិជ្ជមាននៃទំនាក់ទំនងការទូតទ្វេភាគី ក្នុងវិស័យសង្គមកិច្ច ពាណិជ្ជកម្ម សិទ្ធិមនុស្ស និងតំបន់។ ប្រភព៖ ៖ ទីភ្នាក់ងារសារព័ត៌មានកម្ពុជា
2. កម្ពុជា និងតួកគី បានពិភាក្សាលើកិច្ចសហប្រតិបត្តិការក្នុងវិស័យកសិកម្មតាមរយៈការផ្ទេរបច្ចេកវិទ្យា និងពាណិជ្ជកម្មគ្រឿងយន្ត ជាពិសេសដ្រូនកសិកម្មសម្រាប់ឃ្លាំមើលព្រៃឈើ និងដែននេសាទ។ ប្រភព៖ ភ្នំពេញប៉ុស្តិ៍
3. គណៈរដ្ឋមន្រ្តី នឹងបើកកិច្ចប្រជុំ ដើម្បីពិភាក្សាលើសេចក្តីព្រាងគោលនយោបាយគ្រប់គ្រង និងប្រើប្រាស់ដីធ្លី ដើម្បីអភិវឌ្ឍខេត្តព្រះសីហនុទៅជាប៉ូលសេដ្ឋកិច្ចពិសេស និងជាទីក្រុងវៃឆ្លាត។ ប្រភព៖ ខ្មែរថាមស៍

ព័ត៌មាននយោបាយ

1. សម្តេចតេជោ បានគាំទ្រលើគំនិតផ្តួចផ្តើមរបស់ឥណ្ឌា ក្នុងការបង្កើតឱ្យមានកិច្ចប្រជុំកំពូល ស្តីពីសំឡេងនៃបណ្តាប្រទេសខាងត្បូង ដើម្បីរួមគ្នាដោះស្រាយបញ្ហាសកលប្រកបដោយវិបុលភាព។ ប្រភព៖ ស្ថានីយទូរទស្សន៍ បី ធី វី 
2. សម្តេចតេជោនាយករដ្ឋមន្រ្តី​ បានថ្លែងថាពិភពលោក​ បាននឹងកំពុងប្រឈមបញ្ហាក្តៅ និងនិន្នាការអវិជ្ជមាន ដែលធ្វើឱ្យប៉ះពាល់ដល់សណ្តាប់ធ្នាប់អន្តរជាតិ និងយន្តការពហុភាគីនិយម។ ប្រភព៖ ទីភ្នាក់ងារសារព័ត៌មានកម្ពុជា
3. គ.ជ.ប បានធ្វើការប្រឡងជ្រើសរើសសមាសភាពគណៈកម្មាធិ-ការរាជធានី-ខេត្ត រៀបចំការបោះឆ្នោតចំនួន ១៧៥រូប សម្រាប់បម្រើការក្នុងដំណើរការរៀបចំការបោះឆ្នោត ឆ្នាំ២០២៣។ ប្រភព៖ Fresh News

ព័ត៌មានសេដ្ឋកិច្ច 

1. ក្នុងឆ្នាំ២០២២ ទំហំពាណិជ្ជកម្មនាំចេញ-ចូលទំនិញរបស់កម្ពុជាទៅកាន់ទីផ្សារអន្តរជាតិ ស្ថិតក្នុងទំហំជាង ៥២ពាន់លានដុល្លារ កើនឡើង ៩,២% បើធៀបនឹងរយៈពេលដូចគ្នាក្នុងឆ្នាំ២០២១។  ប្រភព៖AMS News 
2. កម្ពុជា និងអង់គ្លេស បាននិងកំពុងព្រាងអនុស្សរណៈនៃការយោគ-យល់គ្នាស្តីពីការជំរុញពាណិជ្ជកម្មទ្វេភាគីបន្ថែម ដើម្បីឆ្លើយតបនឹងការកើនឡើងនៃទំហំពាណិជ្ជកម្មទ្វេភាគី។ ប្រភព៖ ទីភ្នាក់ងារសារព័ត៌មានកម្ពុជា
3. សម្តេចតេជោនាយករដ្ឋមន្ត្រី បានថ្លែងអំណរគុណដល់ប្រទេសចិនដែលបានផ្តល់ជំនួយក្នុងការកសាងហេដ្ឋារចនាសម្ព័ន្ធ ដែលបានជំរុញដល់ការអភិវឌ្ឍសេដ្ឋកិច្ច នៅកម្ពុជា។ ប្រភព៖ ខ្មែរថាមស៍

ព័ត៌មានសង្គម

1. អាជ្ញាធរមីន និងNPA បានចុះ MOU លើគម្រោងដែលមានថវិកាចំនួន ១៧២.៧៩១ដុល្លារ ដើម្បីលើកកម្ពស់សមត្ថភាពអង្គភាព និងរៀបចំផែនការយុទ្ធសាស្ត្រសម្អាតមីនឱ្យមានប្រសិទ្ធភាព។ ប្រភព៖ ភ្នំពេញប៉ុស្តិ៍
2. សម្តេចក្រឡាហោម ស ខេង បានបញ្ជាក់ថា ក្រសួងមហាផ្ទៃ បានតម្កល់ឯកសារពាក់ព័ន្ធ និងការចុះបញ្ជី សមាគម និងអង្គការមិនមែនរដ្ឋាភិបាលចំនួន ៦.១០៩ស្ថាប័ន គិតត្រឹមឆ្នាំ២០២២។ ប្រភព៖ ខ្មែរថាមស៍
3. កម្ពុជា បានទទួលជំនួយឥតសំណងចំនួន ២០៤.៦៣៧ដុល្លារ ពីរដ្ឋាភិបាលជប៉ុន សម្រាប់គម្រោងសាងសង់ប្រព័ន្ធចែកចាយទឹកស្អាតជូនប្រជាពលរដ្ឋ ក្នុងឃុំកំពង់ឃ្លាំង ខេត្តសៀមរាប។ ប្រភព៖ Fresh News