MORNING NEWS BRIEF [MARCH 13, 2023]

ព័ត៌មានសំខាន់ៗ

1. សម្តេចតេជោ បានបញ្ជាក់ពីជំហររបស់កម្ពុជា ក្នុងការសហការជាមួយចិនដើម្បីអភិវឌ្ឍក្របខ័ណ្ឌកិច្ចសហប្រតិបត្តិការត្បូងពេជ្រ និងការកសាងសហគមន៍វាសនារួមកម្ពុជា-ចិនឱ្យស៊ីជម្រៅ។ ប្រភព៖ សារព័ត៌មានដើមអម្ពិល
2. សម្តេចតេជោនាយករដ្ឋមន្ត្រី  និងឯកអគ្គរាជទូតអូស្ត្រាលីថ្មីប្រចាំកម្ពុជាបានជួបពិភាក្សាការងារដើម្បីពង្រឹងទំនាក់ទំនងការទូតទ្វេភាគី និងការអភិវឌ្ឍក្នុងវិស័យអាទិភាពនានា។ ប្រភព៖ Fresh News
3. គណៈប្រតិភូក្រសួងពាណិជ្ជកម្ម បានចូលរួមក្នុងសន្និសីទអង្គការសហប្រជាជាតិ ស្តីពីប្រទេសអភិវឌ្ឍន៍តិចតួច និងជំរុញឱ្យបណ្តា LDCបន្តវិនិយោគលើធនធានមនុស្ស និងប្រតិបត្តិការឌីជីថល។ ប្រភព៖ ខ្មែរថាមស៍

ព័ត៌មាននយោបាយ

1. សម្តេចតេជោនាយករដ្ឋមន្ត្រី បានអបអរសាទរឯកឧត្តមស៊ី ជីន- ពីង ដែលត្រូវបានជាប់ឆ្នោតសារជាថ្មីជាប្រធានាធិបតីនៃសាធារណៈរដ្ឋប្រជាមានិតចិនសម្រាប់អណត្តិទី៣។ ប្រភព៖ ទីភ្នាក់ងារសារព័ត៌មានកម្ពុជា
2. តបតាមការអញ្ជើញរបស់ភាគីបារាំង គណៈប្រតិភូគ.ជ.ប និងក្រសួងមហាផ្ទៃនឹងទៅបំពេញទស្សនកិច្ចផ្លូវការដើម្បីសង្កេតមើលប្រព័ន្ធបោះឆ្នោតរបស់បារាំងនាពាក់កណ្តាលខែមីនានេះ។ ប្រភព៖ ភ្នំពេញប៉ុស្តិ៍
3. ស្ថានទូតអូស្ត្រាលីប្រចាំកម្ពុជា បានវាយតម្លៃខ្ពស់ចំពោះភាពជាដៃគូជាមួយរដ្ឋាភិបាលកម្ពុជា​ក្នុងការអនុវត្តច្បាប់ និងកិច្ចសហប្រតិបត្តិការក្នុងដោះស្រាយបញ្ហាឧក្រិដ្ឋកម្មឆ្លងដែន។ ប្រភព៖ ភ្នំពេញប៉ុស្តិ៍

ព័ត៌មានសេដ្ឋកិច្ច

1. គិតត្រឹមឆ្នាំ២០២២ កម្ពុជារកចំណូលជាតិបានប្រមាណ ១,៤ពាន់លានដុល្លារពីភ្ញៀវទេសចរអន្តរជាតិ កើនឡើង ៧០០% បើធៀបនឹងឆ្នាំ២០២១ដោយចូលរួមចំណែក៣,៦% នៃផ.ស.ស។ ប្រភព៖ ភ្នំពេញប៉ុស្តិ៍
2. ក្នុងរយៈពេល០២ខែនៃឆ្នាំ២០២៣ កម្ពុជាបាននាំចេញអង្ករចំនួន ១០ម៉ឺនតោនទៅកាន់ទីផ្សារអន្តរជាតិចំនួន៣៨ប្រទេសដែលសម្រេចបានទំហំទឹកប្រាក់ប្រមាណ ៧២,៦៧លានដុល្លារ។ ប្រភព៖ ភ្នំពេញប៉ុស្តិ៍
3. សហភាពសហគមន៍បន្លែសុវត្ថិភាពកម្ពុជា និងចិនបានចុះអនុស្សរណៈយោគយល់ និងកិច្ចសន្យាផលិតកម្មកសិកម្មដំឡូងមីកម្ពុជាដើម្បីជំរុញការនាំចេញដំឡូងមីទៅកាន់ទីផ្សារចិន។ ប្រភព៖ Fresh News

ព័ត៌មានសង្គម

1. រដ្ឋមន្ត្រីក្រសួងមហាផ្ទៃ បានថ្លែងថារដ្ឋាភិបាលប្រឆាំងដាច់ខាតចំពោះការរើសអើង និងបែងចែកសាសនាដើម្បីជំរុញសុខដុមនីយកម្មសាសនា និងសន្តិភាព​នៅក្នុងសង្គមកម្ពុជា។ ប្រភព៖ សារព័ត៌មានដើមអំពិល
2. កម្ពុជា បានដាក់អនុវត្តជាផ្លូវការនូវផែនការសកម្មភាពសីតកម្មជាតិដើម្បីឆ្លើយតបនឹងតម្រូវការថាមពលដែលកំពុងកើនឡើងក្នុងអំឡុងពេលប្រែប្រួលអាកាសធាតុ។ ប្រភព៖ ភ្នំពេញប៉ុស្តិ៍
3. មជ្ឈមណ្ឌលជាតិគ្រប់គ្រងកងកម្លាំងសន្តិភាព​ និងបោសសម្អាតមីនបានបន្តសកម្មភាពបោសសម្អាតមីន និងយុទ្ធភណ្ឌមិនទាន់ផ្ទុះបានប្រមាណ ២០០គ្រាប់នៅក្នុងខេត្តក្រចេះ។ ប្រភព៖ ខ្មែរថាមស៍