MORNING NEWS BRIEF [NOVEMBER 24, 2022]

ព័ត៌មានសំខាន់ៗ

1. សម្តេចតេជោ បានថ្លែងថាកិច្ចប្រជុំ ADMM បានដើរតួនាទីសំខាន់ក្នុងការលើកកម្ពស់ការយោគយល់គ្នា ដោយការផ្លាស់ប្តូរទស្សនៈស្របពេលដែលពិភពលោកកំពុងជួបបញ្ហាអស្ថិរភាពនានា។ ប្រភព៖ ខ្មែរថាមស៍
2. សមាជិកសភានៃប្រទេសសមាជិកអាយប៉ា និងសភាអូស្ត្រាលី បានពិភាក្សាលើកិច្ចសហប្រតិបត្តិការនៃការវិនិយោគក្នុងសន្តិភាព ការអភិវឌ្ឍដោយចីរភាព និងការស្តារឡើងវិញក្រោយវិបត្តិកូវីដ១៩។ប្រភព៖ ស្ថានីយទូរទស្សន៍ បី ធី វី 
3. រដ្ឋមន្ត្រីការពារជាតិអាស៊ាន បានប្តេជ្ញាអនុវត្តសេចក្តីថ្លែងការណ៍របស់អាស៊ាន ស្តីពីសមាជិកភាពរបស់ទីម័រខាងកើត ដោយរួមបញ្ចូលទីម័រក្នុងសកម្មភាពនៃក្របខ័ណ្ឌការពារជាតិអាស៊ាន។ ប្រភព៖ ខ្មែរថាមស៍

ព័ត៌មាននយោបាយ

1. សម្តេចតេជោនាយករដ្ឋមន្ត្រី និងរដ្ឋមន្ត្រីការពារជាតិអាមេរិក បាន ពិភាក្សាលើទំនាក់ទំនងទ្វេភាគី ដែលមានភាពប្រសើរឡើងជាងមុន ខណៈទំហំពាណិជ្ជកម្មទ្វេភាគីកើនឡើងប្រមាណ ១៨%។ ប្រភព៖ ស្ថានីយ៍ទូរទ្សសន៍ បី ធី វី
2. ព្រឹ​ទ្ធសភាកម្ពុជា និងសភាម៉ារ៉ុក បានពិភាក្សាលើគោលបំណងពង្រឹងទំនាក់ទំនងកាន់តែស៊ីជម្រៅ តាមរយៈការផ្លាស់ប្តូរទស្សន-កិច្ចគ្រប់កម្រិត និងកិច្ចសហប្រតិបត្តិការរវាងស្ថាប័ននីតិបញ្ញត្តិ។ ប្រភព៖ ទីភ្នាក់ងារសារព័ត៌មានកម្ពុជា
3. ចិន បានបញ្ជាក់ថាជំនួយហេដ្ឋារចនាសម្ព័ន្ធនៅមូលដ្ឋានទ័ពជើងទឹករាម គឺជាជំនួយបម្រើដល់ផលប្រយោជន៍កម្ពុជា និងមិនពាក់ព័ន្ធនិន្នាការនយោបាយរបស់ចិនឡើយ។ ប្រភព៖ ខ្មែរថាមស៍

ព័ត៌មានសេដ្ឋកិច្ច 

1. រដ្ឋមន្ត្រីក្រសួងសេដ្ឋកិច្ច បានផ្តល់អនុសាសន៍ ៧ចំណុច ស្តីពីការចូលរួមអភិវឌ្ឍវិស័យស្រូវអង្ករកម្ពុជាឱ្យអស់សក្តានុពល ដើម្បីរួមចំណែកដល់កំណើនសេដ្ឋកិច្ច និងលើកកម្ពស់ជីវភាពប្រជាជន។ ប្រភព៖ Fresh News
2. ក្រសួងពាណិជ្ជកម្ម បាននិងកំពុងខិតខំស្វែងរកទីផ្សារស្រូវអង្ករ និងការកែច្នៃផលិតផលធាតុដើមពីអង្ករ ដើម្បីបញ្ចូលទៅក្នុងបញ្ជីទំនិញរបស់កិច្ចព្រមព្រៀងពាណិជ្ជកម្មសេរីនានា ជាមួយគូភាគី។ ប្រភព៖ ទីភ្នាក់ងារសារព័ត៌មានកម្ពុជា 
3. គិតត្រឹមរយៈពេល១០ខែនៃឆ្នាំ២០២២ ក្រសួងសេដ្ឋកិច្ច បានបង្ហាញថាមានអាជីវកម្មចំនួន ១៩.៣២៨ បានចុះបញ្ជីក្នុងប្រព័ន្ធ ចុះបញ្ជីអាជីវកម្ម ដែលមានទឹកប្រាក់ ៥,៥១ពាន់លានដុល្លារ។ ប្រភព៖ ខ្មែរថាមស៍

ព័ត៌មានសង្គម

1. បែលហ្ស៊ិក បានផ្តល់ជំនួយជាថវិកាប្រមាណ ២៥ម៉ឺនដុល្លារ ដល់ អង្គការ​ APOPO ដែលសហការជាមួយស៊ីម៉ាក់ សម្រាប់គម្រោងកណ្តុរហិតមីននៅកម្ពុជា និងទិញសុនខស៊ីម៉ាក់ប្រចាំឆ្នាំ២០២៣។ ប្រភព៖ ខ្មែរថាមស៍
2. ក្រសួងធនធានរ៉ែ បានជូនដំណឹងពីការបើកតំបន់សម្បទានស្វែងរករ៉ែ សម្រាប់ការដាក់ពាក្យស្នើសុំអាជ្ញាបណ្ណ លើដីទំហំ ១៥៥ហិ-កតា ស្ថិតនៅស្រុកឈូក ខេត្តកំពត។ ប្រភព៖ Fresh News
3. ក្រសួងទេសចរណ៍ បានដាក់ដំណើរការកម្មវិធីអភិវឌ្ឍន៍ជំនាញ បណ្តុះបណ្តាលបដិសណ្ឋារកិច្ចកម្ពុជា ក្នុងខេត្តពោធិ៍សាត់ ឆ្នាំ២០២០-២០២៤ ដើម្បីលើកកម្ពស់សេវាកម្មទេសចរណ៍ក្នុងខេត្ត។ ប្រភព៖ Fresh News