MORNING NEWS BRIEF [AUGUST 28, 2023]

ព័ត៌មានសំខាន់ៗ

1. ប្រធានាធិបតីគុយបា បានអញ្ជើញនាយករដ្ឋមន្ត្រីកម្ពុជា ចូលរួមក្នុងកិច្ចប្រជុំកំពូលប្រមុខរដ្ឋ និងរដ្ឋាភិបាលនៃក្រុម៧៧+ចិន នៅប្រទេសគុយបា នាខែកញ្ញាខាងមុខនេះ។ ប្រភព៖ ខ្មែរថាមស៍
2. ឯកអគ្គរដ្ឋទូតចិនប្រចាំកម្ពុជា សង្កត់ធ្ងន់លើទំនាក់ទំនងរឹងមាំរវាងកម្ពុជា-ចិន និងបញ្ជាក់ការបន្តកិច្ចសហប្រតិបត្តិការជិតស្និទ្ធជាមួយកម្ពុជាលើគ្រប់វិស័យអាទិភាព ដើម្បីប្រយោជន៍នៃប្រទេសទាំងពីរ។ ប្រភព៖ Fresh News
3. កម្ពុជា និងវៀតណាម បានឯកភាពគ្នាបន្តជំរុញកិច្ចសហប្រតិបត្តិការក្នុងការទប់ស្កាត់បទល្មើសគ្រប់ប្រភេទតាមព្រំដែន ដើម្បីរក្សាសណ្តាប់ធ្នាប់សន្តិសុខតាមបណ្តោយព្រំដែននៃប្រទេសទាំងពីរ។ ប្រភព៖ ភ្នំពេញប៉ុស្តិ៍

ព័ត៌មាននយោបាយ

1. នាយករដ្ឋមន្ត្រីរុស្ស៊ី មានភាពជឿជាក់ថា ក្រោមការដឹកនាំរបស់នាយករដ្ឋមន្ត្រីកម្ពុជាថ្មី​ នឹង​ជំរុញ​ការ​អភិវឌ្ឍ​បន្ថែម​​នៃ​ទំនាក់ទំនង​មិត្តភាព​ប្រពៃណី​ ​និង​ទំនាក់ទំនង​ជា​ដៃគូ​រវាង​រុស្ស៊ី-​កម្ពុជា។ ប្រភព៖ ខ្មែរថាមស៍
2. ទីស្តីការគណៈរដ្ឋមន្ត្រី បដិសេធ និងច្រានចោលទការផ្សាយរបស់RFA ក្រោមចំណងជើង «ពលរដ្ឋសោកស្តាយព្រែកមួយដែលខ្មែរក្រហមជីកបាត់បង់ទៅវៀតណាមក្រោយបោះបង្គោលព្រំដែន»។ ប្រភព៖ អង្គភាពប្រតិកម្មរហ័ស
3. គ.ជ.ប បានជូនដំណឹង ស្តីពីកិច្ចប្រជុំផ្សព្វផ្សាយជាមួយភាគីពាក់ព័ន្ធ ស្តីពីការប្រកាសផ្សព្វផ្សាយប្រតិទិននៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២៣។ ប្រភព៖ AMS New

ព័ត៌មានសេដ្ឋកិច្ច

1. រដ្ឋមន្ត្រីក្រសួងកសិកម្ម និងឯកអគ្គរដ្ឋទូតEU ប្រចាំកម្ពុជា បានជួបពិភាក្សា និងលើកឡើងពីគោលនយោបាយកសិកម្មដើម្បីជំរុញការអភិវឌ្ឍវិស័យកសិកម្ម ដែលជាចរន្តសំខាន់នៃសេដ្ឋកិច្ចជាតិ។ ប្រភព៖ ស្ថានីយ៍ទូរទស្សន៍ បី ធី វី
2. រដ្ឋមន្ត្រីក្រសួងពាណិជ្ជកម្មថ្មី បានថ្លែងថា ​សមិទ្ធផលអាណត្តិចាស់​​ គឺជា​មូលដ្ឋានគ្រឹះ និង​ផែនទី​បង្ហាញផ្លូវ​សម្រាប់​​ត្រងត្រាប់ ​និង​អនុវត្ត​បន្ត ដើម្បី​​សម្រេចបាន​នូវ​សមិទ្ធផល​ធំៗ​ថ្មី​បន្ថែមនាអាណត្តិថ្មី​។ ប្រភព៖ សារព័ត៌មានថ្មីៗ
3. ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងថ្មីចំនួន១៣បន្ថែម ដែលមានទុនវិនិយោគប្រមាណ ៤២៥,៩លានដុល្លារ និងបង្កើត ឱកាសការងារ ២៣.២៥៦កន្លែង។ ប្រភព៖ ភ្នំពេញប៉ុស្តិ៍

ព័ត៌មានសង្គម

1. រដ្ឋមន្ត្រីក្រសួងសង្គមកិច្ចថ្មី បានប្តេជ្ញា លើការពង្រឹងប្រសិទ្ធភាពការងារ និងដាក់ចេញគោលនយោបាយអភិវឌ្ឍន៍នានា ដើម្បីជំរុញការលើកកម្ពស់សុខមាលភាពជូនប្រជាជនកម្ពុជា។ ប្រភព៖ ស្ថានីយ៍ទូរទស្សន៍ បី ធី វី
2. រដ្ឋមន្ត្រីក្រសួងសុខាភិបាល បានពិនិត្យវឌ្ឍនភាពការងារនៅតាមមន្ទីរពេទ្យមូលដ្ឋាន និងជំរុញឱ្យមន្ត្រីយកចិត្តទុកដាក់លើការលើកកម្ពស់សេវាថែទាំសុខភាពប្រជាពលរដ្ឋឱ្យកាន់តែប្រសើរ។​​ ប្រភព៖ Fresh News 
3. ឯកឧត្តម លី ធុជ ថ្លែង​​​​ថា​ ​ការអ​ប់រំ​ពីការកា​ត់បន្ថ​យ​​គ្រោះ​ថ្នា​​​ក់ ដោ​យ​សា​រ​​មី​ន ​​និ​ង​សំ​ណល់​ជា​តិផ្ទុះ​ ​នៅ​តែជា​កិ​ច្ចកា​រ​ចាំ​បា​ច់ ​​ក្នុង​កា​រ​កា​ត់​បន្ថ​យ​គ្រោះ​ថ្នា​ក់​ ​និង​ផ​ល​ប៉ះ​ពាល់​ នៅ​តា​ម​ស​ហ​​​គម​​ន៍។ ប្រភព៖ ភ្នំពេញប៉ុស្តិ៍